اصابع القرفة بالسكر - تشوروز

اصابع القرفة بالسكر - تشوروز

حلوى التشوروز من المطبخ المكسيكي

 

 وقت التحضير : 10 دقائق
وقت الطهي : 10 دقائق
الوقت الكلى : 20 دقيقة

عدد الاشخاص 4

الادوات المستخدمه

طاسة غويطة
معلقة خشب
حلة
معلقة قلي
طبق مسطح
مكبس كريمة
سكين

المقادير

2 x معلقة كبيرة سكر
2 x معلقة كبيرة زيت ذرة
1 x كوب سكر
1 x كوب ماء
1 x معلقة صغيرة قرفة
1 x كوب دقيق
1 x معلقة صغيرة ملح

الخطوات

1. في طاسة غويطة هنضيف كوب ماء و معلقة سكر كبيرة و نصف معلقة ملح ضغيرة و معلقة زيت ذرة.
2. بمعلقة خشب هنقلّب و نسيب الماء يغلي.
3. اول ما تغلي هنرفع الطاسة من على النار.
4. نضيف عليها الدقيق و نقلّبهم كويس حوالي 30 ثانية.
5. نسيب الخليط يبرد شوية.
6. في حلة كبيرة نضيف الزيت و نسيبه يسخن.
7. على ما الزيت يسخن نجهز الخليط بتاعنا في مكبس الكريمة.
8. اول ما الزيت يسخن نبدأ بالراحة نّنزل الخليط في الزيت بالمكبس و نفصله بالسكين عند الطول المناسب.. و نكرر العملية
9. نقلي الأصابع لحد ما يتحول لونها الي اللون الذهبي
10. بعد ما نرفعهم من على النار نحطهم على مناديل مطبخ لامتصاص الزيت.
11. في طبق مسطح هنضيف نصف كوب سكر و معلقة قرفة صغيرة و نخلطهم كويس
12. نلّف كل صباع في الطبق لحد ما يتغطى كله بالقرفة و السكر. جاهز للتقديم

ملاحظات

- مهم جدا منضيفش أصابع كتيرة في الحلة أثناء القلي لان ده بيضعف حرارة الزيت - تقدم مع صوص الشيكولاته

المصدر: محشي.كوم